2015-01-24

Balázs Wacha: "Superfluaj versoj" por Imre Madách


Superfluaj versoj

de Balázs Wacha

Iam mi pensas: nur laŭmende
eblas labori eminente,
onin mendinto disciplinas,
oni laboron fakte: finas.

Oni, sen mendo, komencadas,
Kaj komencaĵoj ne finatas.

Iam mi pensas, nur senmende
eblas labori diligente,
aperas ŝanco kelkon fini
anstataŭ taskon redifini.

Kion kaj kiel: diktas neniu,
eble nur help-kritikas iu.

Iam mi pensas nek laŭmende
oni sukcesas, nek senmende,
sen laboram', sen diligento
min ja ne helpos ĉi lamento.

Iam mi pensas, mi ne pensu,
ne meditadu, agoj densu.

Kredu al mi tuj, sen citaĉ', ke
la samon diris mem Madaĉ, sed
li sin ŝajnigis nur-citanto
de Lucifero, ĉefdiablo.

Tiam mi pensis, do mi pensu,
sed mi eraris. Agoj densu.

NOTO: Estas aludataj interalie kelkaj frazoj el drama poemo de I. Madách [mada:ĉ].

Por aldonaj notoj, aliru la Ipernity.

No comments: